Готовцев Иван Павлович

САХА АССР КУЛЬТУРАТЫН ҮТҮӨЛЭЭХ ҮЛЭҺИТЭ.

САХА АССР УОННА РСФСР ҮТҮӨЛЭЭХ УЧУУТАЛЛАРА,

ҮЛЭ КЫҺЫЛ ЗНАМЯТА ОРДЕН КАВАЛЕРА

ТАНДАТААҔЫ ИСТОРИКО-АРХИТЕКТУРНАЙ МУЗЕЙЫ ТӨРҮТТЭЭЧЧИ ГОТОВЦЕВ ИВАН ПАВЛОВИЧ

 ОЛОҔУН КЭРДИИС КЭМНЭРЭ

• 18.09.1915 сыллаахха Байаҕантай нэһилиэгэр Павел Дмитриевич уонна Татьяна Георгиевна Готовцевтар дьиэ кэргэттэригэр төрөөбүтэ. Аҕата уола 5 саастааҕар олохтон туораабыта. Ийэтэ 1937 сыллаахха өлбүтэ.
• 1934 сылтан Чурапчыга учууталлар курстарын бүтэрэн баран учуутал быһыытынан үлэтин саҕалаабыта. Биэс сыл устата кыра кылаастарга учууталынан үлэлээбитэ.
• 1939-1942 сылларга Дьокуускайдааҕы педтехникумҥа үөрэммитэ.
• 1942 сылтан  –  Кэбээйигэ начальнай оскуола сэбиэдиссэйинэн үлэлээбитэ.
• 1947-1949 сылларга Дьокуускайга педагогическай институтка үөрэммитэ.
• 1949 сылтан Танда сэттэ кылаастаах оскуолатыгар үлэтин саҕалаабыта.
• 1952 сыллаахха Танда оскуолатын иһинэн историко-революционнай музейы төрүттээбитэ.
• 1969 сыллаахтан Г.И. Петровскай аатынан Тандатааҕы историко-революционнай музейга директорынан үлэлээбитэ.
• 1982 сыллаахха сэтинньи ый 8 күнүгэр ыалдьан өлбүтэ.
• 1990 сыллаахха Байаҕантай нэһилиэгин дьонун-сэргэтин туруорсуутунан Тандатааҕы историко-революционнай музейга И.П. Готовцев аата иҥэриллибитэ.

НАҔАРААДАЛАРА

• 1946 сыллаахха “1941-1945 сс. Аҕа Дойду Улуу сэриитин сылларыгар үлэҕэ килбиэнин иһин” мэтээл;
• 1956 сыллаахха Саха АССР Верховнай Советын Президиумун Уурааҕынан Саха АССР үтүөлээх учуутала үрдүк аат иҥэриллибитэ.
•  1957 сыллаахха Саха АССР Верховнай Советын Президиумун Уурааҕынан Советскай бэчээт үлэтигэр киллэрбит кылаатын иһин Бочуотунай Грамотанан наҕараадаламмыта;
• 1962 сыллаахха РСФСР Верховнай Советын Президиумун Уурааҕынан РСФСР үтүөлээх учуутала аат иҥэриллибитэ;
• 1965 сыллаахха Саха АССР Верховнай Советын Президиумун Уурааҕынан Саха АССР культуратын үтүөлээх үлэһитэ аат иҥэриллибитэ;
• 1966 сыллаахха ССРС Верховнай Советын Президиумун Уурааҕынан Үлэ Кыһыл Знамята орденынан наҕараадаламмыта;
• 1970 сыллаахха В.И. Ленин төрөөбүтэ 100 сылынан үбүлүөйнэй мэтээлинэн наҕараадаламмыта;
• 1975 сыллаахха Кыайыы 30 сылынан үбүлүөйнэй мэтээлинэн наҕараадаламмыта;
• 1975 сыллаахха “Үлэ ветерана” мэтээлинэн наҕараадаламмыта;
• 1990 с. төрүттээбит музейыгар үйэ саас тухары биллиилээх кыраайы үөрэтээччи И.П. Готовцев аата иҥэриллибитэ.