«…Урут сылдьа илик сирим, мин билбэт кыраайым.
«Мүрү» толооно 10 килэмиэтир усталаах, 7 килэмиэтир туоралаах киэҥ үтүө дойду эбит. Алаас үрдүнээҕи томторго оройуон сыантыр дэриэбинэтэ олорор. Барабыык хойуу буруота, хатан хаһыыта уонна элэктэриичэстибэ уота куораты маарыннаталлар…»
Бу курдук биллиилээх прозаик, очеркист Герасим Дмитриевич Бястинов (Бэс Дьарааһын) 1933 сыллаахха Кыым хаһыакка сотруднигынан үлэлиир кэмигэр Уус Алдаҥҥа командировкаланан кэлэ сылдьан суруйан турар.
Биһиги бу устуубутугар 81 саастаах, 1948 сылтан 1971 сылга диэри Томторго олорбут Василий Васильевич Аргунов ахтыытын көрүөххүт-истиэххит.
2025 с. алтынньы 3 күнүнээҕи устуу.